Jónína var ein af máttarstólpum Skagaliðsins á sínum tíma. Góð fyrirmynd, frábær í hóp, en bjó jafnframt yfir miklu keppnisskapi. Hún var skæður framherji og vakti athygli fyrir hraða, knatttækni, útsjónarsemi og markheppni. Algjör goðsögn í íslenskri kvennaknattspyrnu. Hún var leiðtogi innan sem utan vallar og var ung gerð að fyrirliða liðsins og hélt þeirri vegsemd út allan sinn feril síðan. Hún var valin leikmaður ársins í efstu deild kvenna tvö ár í röð, 1992 og 1993 og lék allan sinn feril með ÍA. Hún kemur úr mikilli knattspyrnufjölskyldu en hún er gift knattspyrnugoðsögninni Haraldi Ingólfssyni auk þess sem bræður, synir og dóttir hafa getið sér gott orð á knattspyrnuvellinum.
178
81
11
2
134 | 40
14 | 14
22 | 17
1 | 0
