Leikmenn

Laufey er einhver fræknasta knattspyrnukona okkar Íslendinga.  Hún var mikil fyrirmynd og í raun goðsögn og ein af holdgervingum kvennaknattspyrnunar á Akranesi. Alhliða knattspyrnukona. Teknísk, sterk, jafnvíg á hægri og vinstri fót, með góða skallatækni, beinskeytt og gat verið hörð í horn að taka. Markheppin. Leiðtogi á velli. Gæti sagt að hún hafi verið „Óli Þórðar“ kvennaboltans. Væri klárlega í landsliðinu og atvinnukona erlendis í dag ef hún væri að toppa núna. Algjör lykilmaður í sigrunum á Íslandsmótunum  og var á tímabili fyrirliði liðsins. Hún missti úr nokkur ár þar sem hún m.a. bjó og spilaði erlendis, en sneri af miklum krafti til baka 1991. Þá varð hún m.a. bikarmeistari í fyrsta sinn, auk þess sem hún var af mörgum talin besti leikmaður Íslandsmótsins það ár og endaði lang markahæst í deildinni. Hún varðveitti upplýsingar um Skagaliðið, sem hafa reynst ómetanlegar við ritun sögu knattspyrnu kvenna á Akranesi.